Beti pentsatu izan dugu oso
erosoa izango litzatekeela etxeko edozein produktu bukatzerakoan, botoi bati
eman eta automatikoki behar dugun hori etxeko atean egotea, ezta? Duela urte
batzuk alfer gehienontzat amets bat zen hori “Amazon”-ek egi bihurtu du. Aurrerapen
handi bat suposatu du honek kontsumoaren eta internet bidezko erosketen sektorean.
Botoi hauek, internet bidez
egiten dute produktuaren eskaria eta horretarako mugikorrari eta wifi sareari konektatuta
egon behar dira. Hau da, erosi bezain laster, Amazon-ek eskaintzen duen
mugikorreko aplikazio baten bidez botoiak konfiguratu behar dira. Marka berdin
batek botoi horrekin erosi daitezkeen hainbat produktu ezberdin eskaintzen ditu
eta beraz, aplikazioaren bidez erosi nahi dugun hori aukeratu behar dugu. Aurrerantzean
beste produktu bat bada erosi nahi duguna, aplikazioaren bitartez, berriro ere,
gure aukera aldatu dezakegu.
Kontu korronte pertsonalera
binkulatu eta botoia sakatzerakoan automatikoki eskaria Amazon-era bidaltzen da
eta aplikazioak eskariaren inguruan berri ematen digu. Enkarguak 24 ordutan
etxera heltzen dira, beraz, oinarrizko eta ezinbestekoak diren gauzak beti
etxean edukitzeko asmakizun oso praktikoa da.
Oso erosoa da baita ere, botoia etxeko edozein
lekutan jarri dezakegulako berarekin dakarren kola bati esker. Honek esan nahi
du, agian arropa garbitzen ari garela, xaboirik ez daukagula konturatzean, erosketen
zerrendan idatzi beharrean, garbigailuan bertan itsatsita daukagun botoiari
sakatu besterik ez dugula egin behar.
Amazon enpresak Estatu Btuetan
atera zuen hasiera batean erosteko teknika berri hau, baina bertan izandako
erantzuna ikusita, aurten, 2016ko azaroan, Espainan merkaturatu izan da. Proiektu
honetara 23 marka gehitu dira eta beraz guk botoi hauek izanda, marka horietako
edozein produktu eskuratu dezakegu eta azpimarratu behar dugu etxeko arlo eta aspektu
ezberdinetakoak direla. Garbitzeko produktuetatik, edozein motatako elikagaien
markak dira aurrerapen honetara gehitu direnak. Hurrengo hauek dire haietako
hainbat marka ezagun: CocaCola, Scottex, Brita, Garnier, Gillette, Dodot…
.
Lehen esan bezala, aurrerapen handi bat da produktu hau internet bidezko erosketen sektorearean erosotasun zein arintasun maila bat gehiago gehitzen baitio egunerokotasuneko bizitzari.
Iturriak:
No hay comentarios:
Publicar un comentario